三年前無綫播放嘅《使徒行者》因為林峰、佘詩曼、許紹雄及苗僑偉嘅演技同故事內容而大獲好評。
重頭劇《使徒行者2》噚晚首播，今次冇釘姐同爆Seed等人，據說因為第二輯其實系第一輯嘅前傳。不過就仍然保留左卓Sir（苗僑偉飾）同歡喜哥（許紹雄飾），再加入宣萱、陳豪、袁偉豪、周柏豪及黃翠如等等。而為左洗脫膠味，今次無綫落重本去泰國取景，打鬥、飛車、爆炸要乜有乜，擺明想俾觀眾知道佢的今次冇摣流攤，連監製、編審都話劇集質素直逼電影級。
噚晚第一集就搵嚟之前做過主角嘅洪永城、最佳男配角古明華、第一次拍劇嘅連詩雅做偽ABC（做自己當然無難度啦！）、楊潮凱及何雁詩做臥底。故事講到佢的喺泰國曼谷拎走黑幫頭目Pak-Key（黃德斌飾）嘅犯罪證據後，三哥本來滿心歡喜準備同香港警方報喜時，
現場突然發生爆炸， 5個臥底喺屋內被炸到粉身碎骨，一個都無得留低！三哥就被停職接受調查，後來佢得悉好友張兆輝喺曼谷留低左一班臥底，所以決定私自行動，務求要搵返曬佢的，而故事亦系咁開始….
今次劇集選角尚算新鮮，就好似周柏豪今次都有份擔正，
第一次拍電視劇對觀眾嚟講都好有新鮮感，而且當然會吸引到一班妹妹追捧啦！至於宣萱今次唔再飾演專業人士，會同陳豪之間有好多龍鳳鬥場面，亦會同三哥有一段特殊關係。而陳豪就會一改「好好先生」形象，飾演出身于黑幫世家嘅「黑幫CEO」魏德信，用現代化模式去管理黑幫。
雖然噚晚先岩岩播出第一集，不過一班線民就已經開始競猜「誰是黑警」、「誰是員警」、「誰是Final Boss」！監製今次講到明故仔會十分複雜，你今日以為佢系壞人羊？你睇多兩集佢又未必似，所以大家都系拭目以待啦！