天生雙缺陷勝在IQ高 裙腳仔森美踩女上位

森美踩女上位！

森美早前與黃心穎、高海寧拍旅遊節目， 浸溫泉期間突然曬雕。

操肌成功的森美大曬巨胸， 一眾咪神都冇碇企！

森美IQ夠曬高！

出身草根家庭， 細個時家住葵盛西公屋嘅森美， 阿爸幫佢改咗個平民名叫梁志健， 同天下父母心一樣， 都系望個仔有堅定志向，

最緊要身體健康！可惜唔知個天系咪有心玩嘢， 森美同佢阿爸嘅期盼差好遠， 家族性情緒病遺傳同專注力失調症打孖嚟， 以為有先天缺陷， 多數讀書不成做廢青啦， 點估到佢讀書仲勁過曬啲正常小朋友， 唔使阿爸搬名校網、阿媽輪街籌叩校門， 好叻豬咁入讀喇沙， 上大學時仲巴閉到同孫耀威有「中大雙雄」之稱。

賤嘴唔收累及小儀

森美唔止IQ高， 仲有出眾口技， 天生嗰條無往而不「脷」， 攣都可以拗番直， 死都畀佢拗番生。 21歲仔， 大學未畢業就用口水浸死曬其他DJ選拔賽對手入咗電臺做， 自我感覺良好到封為「早霸王」同「架勢堂」。 少年得志， 聽慣人叫「森美哥」前， 「森美哥」後， 以為同偶像陳百祥同月同日生， 染埋一樣嘅銀白發色就水鬼升城隍，

做正牌金牌司儀， 人哋阿叻喺呢行撈咗半世人， 財雄梗口大啦。 森美衰無自知之明， 廢噏當秘笈以為好風趣， 搞咗個「我最想非禮女藝人」選舉， 公開挑戰女性尊嚴， 佢要自殺式身亡唔緊要， 生吞137宗投訴、被電臺封嘴兩個月， 連中大講師份工都冇埋， 最慘系累拍檔阮小儀要陪葬。

森美把口系賤， 但有本事成世人靠女人， 唔聲唔聲娶咗個索爆老婆返屋企幫佢啤咗對仔女， 喺電臺又有甘願做佢腳底泥、口誅筆伐嘅阮小儀， 再到佢入無線拍劇集《法網狙擊》， 第一次做男主角就同索腿天后陳敏之談戀愛， 陳敏之話要同森美好似《史密夫決戰史密妻》套戲咁打床頭交， 搞到森美多咗個「香港畢彼特」嘅稱號， 不過山寨貨同正牌畢彼特邊有得比，

人哋就系萬人迷， 森美只系「裙腳仔」， 皆因佢有鋪影人裙下腳癮， 仲要影成過千張， 啲腳多到開250枱麻雀， 好在仲有「香港安祖蓮娜祖莉」即森美嫂闢謠話老公唔系變態， 影腳唔代表有「戀腳癖」， 但可以當減壓藥， 呢個解讀夠曬神奇。

高Ling「打雀」眼睩睩

森美真系食得太多腳， 雞、鴨、豬腳統統塞入口， 啜得多骨膠原令蛋白質增生， 喺短短三個月化身爆肌男， 原先一副弱雞樣練成爆肌男， 自信心返曬乜都夠膽死！喺日本同黃心穎、高海甯浸溫泉時， 突然揈走圍住下身嘅毛巾露「鳥」， 兩位女神即扮驚， 但又好似睇脫衣舞男Show咁興奮， 名花有主嘅高Ling仲打雀咁眼偷嘢， 搞到《森美旅行團》變咗《森美女淫團》咁重口味。 有肌等如有機， 上咗位嘅森美喺《誇世代》雖然唔系男一，但同陳豪鬥曬肌又肉搏，亮點系佢哋段斷背情，不過森美妻又唔使驚到要食鎮靜劑，老公喺節目度流埋眼淚話掛住老婆，就知對糟糠一往情深，甜過糖尿，不如打定胰島素降血糖仲好啦。

上咗位嘅森美喺《誇世代》雖然唔系男一，但同陳豪鬥曬肌又肉搏，亮點系佢哋段斷背情，不過森美妻又唔使驚到要食鎮靜劑，老公喺節目度流埋眼淚話掛住老婆，就知對糟糠一往情深，甜過糖尿，不如打定胰島素降血糖仲好啦。