林嘉欣、JW（王灝兒）、ToNick等出席商台「饑饉30」啟動禮， JW第二次參加， 記得上次大家好團結， 表演唱歌時氣氛很好。 今年好特別， 她會在攤位內擺賣情懷玩意， 好似象棋同飛行棋。
她透露小時候時常與爺爺捉象棋， 自己很喜歡玩， 希望00後都識得玩。 到時賣完象棋再教他們玩， 再唱歌給他們聽。 至於到時可會和營友一齊饑饉30？她坦言未知能否捱得住， 計埋瞓覺時間都試過饑饉20小時， 盡力嘗試吧， 最重要令人瞭解活動的真正意義。
另外， 「饑饉大使」林嘉欣早前到東非國家烏干達7天探訪南蘇丹難民， 她指當地政府和居民都很支持接收難民， 在探訪不同家庭時， 心情忐忑， 但見到他們對未來充滿希望， 好堅強， 好想生存落去。 嘉欣並謂等細女長大， 會帶她們兩姊妹齊齊去探訪， 讓她們感受一下， 送上關愛。 最搞笑出發前大女問她點解一定要去？細女話不想她走， 驚她畀獅子、老虎咬。 因而跟囡囡解釋：「幫人系人嘅本能， 所以幾辛苦都要去。 」
首次參加饑饉30的ToNick笑謂頂得住30小時不進食， 最重要能互相監察， 又希望能到山區探訪。