森美、小儀嘅《早霸王》繼之前同志「管家婆」同「勁過阿希」之後， 今日再遇對手， 一位結過婚嘅男聽眾「超人」打嚟向另一位已婚女告白， 森美即時倒抽一口涼氣， 概歎：「時間係愛情嘅最大敵人呀！」
森美主持節目《早霸王》
小儀放假， 今朝嘅《早霸王》仍然有森美同西瓜留守， 接聽咗自稱「超人」嘅聽眾來電， 「超人」表示同意中人相識咗好多年， 分開咗廿年之後喺一次聚會入面撞番， 而大家都已經結咗婚， 但喺曖曖昧昧嘅情況下喺埋咗一齊， 森美聽到呢句即刻倒抽咗一口涼氣， 「超人」繼續講：「但一直喺呢段時間入面所發生好多嘢都令到佢喺情緒崩潰， 我改變咗佢一生。 」森美就問佢：「嗰陣時大家都結咗婚？」聽眾答：「係。 」
之前森美遇過阿希同Lucy兩單辣手個桉， 今日又輪到搞婚外情嘅超人。
森美嘗試分析：「咁梗係大改變啦！可能佢由始至終對愛情都好單純嘅！結咗婚就唔分開㗎喇， 遇到你就梗係好大嘅衝擊啦！咁兩個都婚外情喎呢啲真係。 」森美又好同情咁話：「愛係冇錯嘅！不過係關係錯啫， 令你哋辛苦， 冇得返轉頭， 但可以改變嘅， 亦有人選擇離婚， 離婚唔係完全唔可以接受嘅事， 不過犧牲好大， 每個人改變會多好多， 你兩個係咪都決定唔離開另一半呢？」聽眾「超人」就答：「其實我已經離咗婚，
《早霸王》呢個示愛環節非常考森美同小儀急才。
不過森美今次嘅處理方法同以往唔同，