最近， 返去舊屋嗰邊， 發現細個食開阿間巷口牛雜檔已經唔喺度， 原先人來人往嘅巷口， 如今已經水靜河飛。
以前小學放學， 經常去牛雜檔，
當時想發條朋友圈感歎下時光荏苒， 輸入法彈出嚟兩個候選詞——「大牌檔」、「大排檔」， 咁究竟應該選邊個？
「大牌檔」從邊度嚟？
「大牌檔」一詞源於二戰後嘅香港，
小販牌照分為固定和流動兩種， 前者稱大牌， 後者稱小牌， 「大牌」與「檔攤」結合， 就誕生咗「大牌檔」一詞。
香港有唔少出名嘅酒樓食肆， 都系從大牌檔起家， 比如中環嘅鏞記酒家， 其前身就系一檔咖啡茶檔。
「大牌檔」奇趣嘅往事
1.香港市政府對大牌檔嘅營業面積、枱凳數量都有嚴格規定， “大牌檔”允許設兩張枱， 每張枱附設四張凳。
2.香港早期嘅大牌檔多數專賣一種食物， 幾間大牌檔集中一齊經營， 所以客人可能喺一間大牌檔點咗個燒味飯， 仲要特登去另一間要杯紅豆冰。
3.後期大牌檔先出售多種食物， 所以有學者認為， 大牌檔其實系香港茶餐廳嘅雛型。
4.傳統大牌檔好少以紙張落單， 客人點菜之後， 埋單直接按碗碟顏色、數量嚟計算。
後來點解又有「大排檔」？
改革開放之後， 「大牌檔」一詞傳到大陸， 慢慢衍生出另一個詞——「大排檔」， 至於點解會將“牌”變成“排”， 就以下幾種說法。
第一， 有唔少人覺得大牌檔有「一大排」枱， 適合「一大排」人吃飯， 就潛意識將「大牌檔」異變為「大排檔」；
第二， 喺大陸， 「大排檔」嘅意思其實不等同於「大牌檔」， 「大排檔」系指設於路邊、簡易廉價嘅大眾餐飲食肆，唔一定要攞正牌經營；
第三，香港有「排檔」一詞，指嘅系幾個大牌檔集中排列，後來有人將兩個詞合併為一個，變成「大排檔」。
▲王澤漫畫
由於「大牌檔」與「大排檔」讀音相同，形容之物又相近，加上官方冇統一說法，後來大家都混淆咗兩個詞，亦都唔再糾結究竟系“牌”定“排”。
（為敘述方便，下面統一使用「大牌檔」）
廣州「大牌檔」，仲剩幾多？
大牌檔系一樣令人又愛又恨嘅嘢，雖然佢實惠抵食、出品夠鑊氣，但系佢始終涉及衛生隱患、環境污染、噪音擾民嘅問題，政府必然會插手管治，所以當城市喺度進步，大牌檔嘅生存空間隨之被壓縮。
身為「大牌檔」誕生地嘅香港，目前攞正牌嘅大牌檔都不過廿幾間。
而廣州同樣如此，大牌檔嘅規模肯定不如八九十年代嘅鼎盛時期，因為大部分大牌檔轉為室內經營或者移居內街。
依家我哋見得比較多嘅大牌檔，應該系街頭巷尾嘅牛雜檔或者神出鬼沒嘅宵夜檔，而有啲宵夜檔都好鬼精，日頭同一般小食檔一樣經營，夜晚就會擺出街道，吸引覓食嘅“夜貓”。
我相信，喺每個人屋企附近，仲有那麼一兩間無可取代嘅「大牌檔」。
佢哋陪伴你度過唔少空虛寂寞嘅夜晚，醫飽過你個半夜準時打鼓嘅肚，成為你喺廣州最美好嘅回憶之一。
你心中嗰份「大牌檔」嘅味道，仲喺唔喺度？
第三，香港有「排檔」一詞，指嘅系幾個大牌檔集中排列，後來有人將兩個詞合併為一個，變成「大排檔」。
▲王澤漫畫
由於「大牌檔」與「大排檔」讀音相同，形容之物又相近，加上官方冇統一說法，後來大家都混淆咗兩個詞，亦都唔再糾結究竟系“牌”定“排”。
（為敘述方便，下面統一使用「大牌檔」）
廣州「大牌檔」，仲剩幾多？
大牌檔系一樣令人又愛又恨嘅嘢，雖然佢實惠抵食、出品夠鑊氣，但系佢始終涉及衛生隱患、環境污染、噪音擾民嘅問題，政府必然會插手管治，所以當城市喺度進步，大牌檔嘅生存空間隨之被壓縮。
身為「大牌檔」誕生地嘅香港，目前攞正牌嘅大牌檔都不過廿幾間。
而廣州同樣如此，大牌檔嘅規模肯定不如八九十年代嘅鼎盛時期，因為大部分大牌檔轉為室內經營或者移居內街。
依家我哋見得比較多嘅大牌檔，應該系街頭巷尾嘅牛雜檔或者神出鬼沒嘅宵夜檔，而有啲宵夜檔都好鬼精，日頭同一般小食檔一樣經營，夜晚就會擺出街道，吸引覓食嘅“夜貓”。
我相信，喺每個人屋企附近，仲有那麼一兩間無可取代嘅「大牌檔」。
佢哋陪伴你度過唔少空虛寂寞嘅夜晚，醫飽過你個半夜準時打鼓嘅肚，成為你喺廣州最美好嘅回憶之一。
你心中嗰份「大牌檔」嘅味道，仲喺唔喺度？