6折食尖沙咀3小時日式放題

放題最緊要多嘢食，所以不少放題店近年都在食材上鬥豪華、鬥多花款，甚至要如酒店自助餐般，設Live Station新鮮即煮畀你食！尖沙咀這間放題，就以高質和回本菜式作招徠，每位入座即送龍蝦之餘，場內亦有即開生蠔、限時供應即烤羊架等的Live Station，還有超過100款和食料理，包括刺身、炸物天婦羅、鍋物等，甜品有Mövenpick雪糕任食，連啤酒都任飲！放題時間食足接近3小時，今個月更有6折優惠，連週末午市放題更是$300有找兼食足3.5小時！即睇地址再叫齊朋友Book位！

撰文：ning 攝影：Fion

尖沙咀任食165分鐘日式放題每位送龍蝦！

尖沙咀這間放題， Menu超過100款美食，

當中九成是日本菜。一入座，每位先送原只約450-550g的即煮龍蝦，按來貨供應不同品種，包括青龍、杉龍、啡龍、珍珠龍、波士頓龍蝦；煮法任你揀，芝士牛油焗、蒜蓉蒸、黃金海膽燒、明太子燒 ⋯⋯只只長過女生手掌，肥美厚肉。

每日精選的龍蝦品種會放在生蠔區附近，堅持不用急凍熟龍蝦，保持新鮮度。

煮法每日有數款可選，近日加推明太子燒新煮法，新鮮明太子去衣後，混合日本沙律醬，塗抹在龍蝦肉上燒。

龍蝦肉爽彈牙，明太子醬帶點鹹鹹辣辣。

龍蝦足足有女生手掌般長，有肥美的蝦膏和結實啖啖肉。

黃金海膽燒的煮法最多人嗌！每只用近1/3板的日本馬糞海膽及蛋黃，人手壓成蓉後配龍蝦烤焗。

食落有龍蝦鮮味之餘，也有海膽的微甘鮮甜。

鳳梨他他醬燒龍蝦就以沙律醬混合酸青瓜、鳳梨粒，同樣抹在龍蝦肉上烤焗。

味道酸酸甜甜，頗開胃；酸瓜鳳梨亦中和了醬汁的膩滯。

3大Live Station！即開日本生蠔

吃完龍蝦，轉攻即開任食生蠔Live Station，有開蠔師傅長駐，密密開蠔無停手，全部即叫即開，處理得乾淨，掃走蠔碎之餘，也為食客預先松蠔肉，一夾即起。蠔種是飽滿肥嘟嘟的日本鳴瀨蠔，蠔形修長，蠔肚脹卜蔔，入口Creamy，伴帶濃濃海水鮮味，蠔迷別錯過。

生蠔放於蠔吧，師傅密密手開蠔，亦不停refill生蠔，開完一盤又一盤。

師傅開蠔手勢純熟企理，又會替客人掃走蠔殼碎，很貼心。

每人每次可以取兩隻生蠔。

除了平常生蠔用的Cocktail Sauce，也有數款醬汁可用來配生蠔，例給他他醬、香草汁等。

蠔肉修長，入口滲出滿滿海水味，值得瘋狂Encore！

罕見！即炒鑊氣蔬菜Live Station

在生蠔Live Station附近，居然發現這個即炒時蔬的Live Station，坊間少見幾有趣。蔬菜品種頗多，菜芯、生菜、翠玉瓜、西蘭花⋯⋯可以任配，煮法一樣自選，蒜蓉或 XO 醬炒最香口。睇住師傅炒出紅紅鑊氣，蔬菜依舊翠綠爽脆，更成為每晚放題時段最人氣的Live Station！

據講店子特意請來中菜師傅專責即炒蔬菜Counter，頻頻傳來紅紅鑊氣和香味，吸引！

即炒蔬菜可以自選醬汁，健康的有魚湯浸菜，想惹味就有蒜蓉炒，味道略鹹，勝在蔬菜爽脆。

自選即煮意粉

同場亦有即煮意粉Station，師傅即場炮製意粉，每晚兩三款，例如卡邦尼、南瓜忌廉帶子、香草拿破崙等，份量細細，唔怕澱粉質填爆肚子。

每晚三款意粉，即叫即煮，而且落單後不用企喺到等，廚師會記低你的枱號，煮好有專人奉上。

配料即炒，醬汁即調，拌上意粉也撈得均勻。

份量的骰，唔怕吃完一碟就飽曬。

每晚限時供應！即焗Juicy羊架！

除了三大Live Station，每晚亦有限時供應的廚師推介，在自助區供客人自取，例如採訪當日所見的即焗即切寶雲酥羊架，厚肉之餘，肉質軟嫩多汁，帶微微羊肉羶香，大大件，最啱食肉獸。

每個放題時段都有一次限時供應的廚師推介美食，採訪當日就是即焗羊架。

香草酥皮裹著羊架，酥脆得切出「咯咯」聲。

羊架都算厚肉，質感軟嫩多汁，脆皮帶點香草味。

落單叫！過百款日本和風料理

話明日式放題，當然還有大量和食等你戰鬥！10多款刺身，有齊油甘魚、三文魚腩、深海池魚、赤貝、甜蝦；創意卷物、火炙壽司一應俱全；想食熱嘢暖胃，有串燒、茶碗蒸、炸物天婦羅、鮮蟹粥、鍋物、雞燉翅⋯⋯全部任點任食，用手機程式或店員提供的tablet落單就得，方便快捷。

刺身共有十款，厚切肥美，賣相靚兼有光澤，新鮮無雪味。

三文魚都頗肥美。

油甘魚油香不錯。

串燒雜錦有齊豬、牛、雞、海蝦、玉子燒等，頗豐富。

鹽燒海蝦都算爽彈。

蒜燒安格斯一口牛最好味，肉味中伴帶濃濃蒜香。

玉子燒也很香甜，明太子加添點點微辣。

天婦羅粉漿面衣夠薄，食落香脆不油膩，虎蝦比手指還要粗，更有青尖椒、香蕉等少見款式。

創意卷物花款多，例如紅菜頭蟹肉青瓜卷、脆辣三文魚蛋捲、熱浪蝦卷等。

海膽茶碗蒸食落頗嫩滑。

不食生蠔也有鳳梨他他醬焗蠔。

鮮蟹粥煲得夠綿密，上枱時剛滾燙起泡，蟹肉不算多，勝在夠清甜。

甜品區！Mövenpick雪糕、雪條任食

最後當然要轉戰甜品！這間放題店就提供Mövenpick雪糕任食，有士多啤梨和咖啡口味。

Mövenpick雪糕細細盒，勁食5、6杯無難度！

另外也有雀巢Mega雪條、韓國芝士蛋糕雪條和榴槤雪條，都是任拎任食。

粗身大條的芝士蛋糕雪條和Mega都是任食，雪糕控大愛！

凍櫃內也有小量件裝的蛋糕甜品供應，味道一般，不及Mövenpick雪糕和雪條吸引。

甜品櫃內有芝士蛋糕、奶凍、慕斯蛋糕等，細細件，但味道一般，驚喜不大。

飲品區除了鮮榨原個橙汁，雪櫃內的款式更多到似七仔，汽水、茶類、果汁⋯⋯連啤酒都是任飲唔嬲。

原個橙連皮壓出果汁，卻出奇地無苦澀味，味道新鮮天然，酸甜解膩。

飲品櫃排場震撼，好似去咗便利店一樣！

大大罐啤酒都是任飲！男士最愛！

6折優惠！午市$268有交易！

放題時段分兩輪，第二輪最抵食，用餐時間165分鐘，接近3小時，足夠時間食多幾轉。最近晚市更加推低至6折優惠，埋單$400有找，食埋龍蝦、生蠔，夠曬回本。想再平啲，週末假期的3.5小時午市放題只需$268，唯一不同的是送半隻龍蝦，但都有生蠔食，其他和食及Live Station也全部有齊，正！

佔地過萬呎，座位開揚闊落，唔似一般放題迫狹，也有齊卡位、梳化位、獨立Party房。

一樂日式放題

地址：尖沙咀寶勒巷6-8A盈豐商業大廈2樓

電話：3188 0447

營業時間：星期一至五 6pm-11:30pm；星期六、日及公眾假期 12nn-3:30pm、6pm-11:30pm

放題供應時段及收費：

星期一至四 6pm-8:30pm、8:45pm-11:30pm

成人 $353/位、長者 $188/位、小童 $168/位

星期五至日、公眾假期及前夕 6pm-8:30pm、8:45pm-11:30pm

成人 $382/位、長者 $188/位、小童 $168/位

星期六、日及公眾假期 12nn-3:30pm

成人 $268/ 位、長者 $188/ 位、小童 $168/ 位

情人節(2月14日)放題供應時段及收費（75折優惠）：

6pm-8:30pm、8:45pm-11:30pm

成人 $441/位、長者 $188/位、小童 $168/位

備註：

以上為已折扣之價錢，折扣優惠期由2018年2月1日起至2018年2月28日止；

6折優惠不適用於2018年2月14日；

原只龍蝦優惠只限成人，晚市送原只，午市放題送半隻；

設加一、收信用卡

建議訂座。

蠔迷別錯過。