《三生三世十裡桃花》中白淺和夜華經歷的跨世愛情故事， 感動唔少觀眾， 電視版創下佳績， 而楊冪所屬的「嘉行傳媒」亦因製作《三生》而令公司市值超過人民幣50億， 成為業界傳奇。 而預計明年開拍的續集《三生三世枕上書》最近終於有啲聲氣。
《枕上書》系《三生三世》續集小說， 主要講東華帝君和青丘白鳳九之間的愛情故事， 上集電視版本中， 由高偉光同迪麗熱巴組成的「東華CP」雖然受歡迎以及討論程度不下於白夜CP， 再加上自從確定要拍續集之外， 唔少網友都話「只想看迪麗熱巴、高偉光主演的。 」可惜日前就有消息指續集將會大換血， 東華帝君將由《醉玲瓏》的徐海喬飾演， 而鳳九則由《三生三世》中演反派慨「玄女」祝緒丹飾演。
34歲慨徐海喬雖然做過《花千骨》、《醉玲瓏》等大熱劇集， 可惜永遠都系劇紅人不紅。 而祝緒丹自《三生三世》之後， 連接擔正青春劇《囧女翻身之嗨如花》以及網路劇《畫心師》女主角， 但人氣始終有限， 更何況要擔正做眾人都期待兼睇好慨《三生三世》續集， 如果真系以呢個組合去開拍的話， 相信唔少劇迷都會反對。