「囝囝滿100日」杏兒孖老公九龍塘睇場地 Baby Lee本月辦百日宴

一向事業心重嘅胡杏兒， 佗住囝囝照樣開工， 之前有傳佢計畫生B坐完月， 之後複出工作， 杏兒後嚟想再追多個， 加上囝囝李奕霆(Brendan)要喂母乳，

所以只揀一啲離開香港時間唔太長嘅工作嚟接， 咁杏兒努力想為李家再生B， 奶奶對佢都好照顧， 由英國返嚟香港， 話曬杏兒為李家生咗個「金叵蘿」， 奶奶都好錫佢， 出入都由奶奶睇住BB。

今日有週刊指， 杏兒同奶奶相處起初幾好， 點知坐月對足3個月，

似乎喺湊B上有啲分歧， 杏兒同老公Philip都少咗私人時間， 之但系杏兒儘量孝順奶奶， 聽從奶奶嘅意見， 今個月17號就系囝囝滿100日， 杏兒同老公Philip于一個九龍塘會所睇場地， 想為囝囝喺四季薈搞百日宴， 呢個地點亦方便男家圍村親友出席， 報導又影到Philip媽咪由司機載佢由逸瓏灣出發， 去睇跌打， 之後去藥房買湯包， 準備煲俾囝囝同新抱飲， 又去餅店買定啲糕餅一齊食， 睇嚟呢個奶奶都算唔話得。