鄭丹瑞（中）前往布吉出席陳華鑫與圈外男友周國榮嘅婚宴。
鄭丹瑞（中）話自己畀人情畀到窮，
仲笑言自己冇向電視臺申請加人工真失策！
一對新人（右五、右六）及一眾兄弟姐妹。
無線小花陳華鑫（Gloria）早前與圈外男友周國榮入紙申請結婚， 今日喺泰國布吉低調舉行浪漫婚宴， 兩人正式結為夫妻，
Gloria曾經參選2012年嘅香港小姐， 亦就讀過無線藝員訓練班， 其導師兼藝人鄭丹瑞亦專程飛抵當地去祝賀一對新人， 之後仲喺社交網分享花絮照添！相中所見， 場地佈置以白色簡潔為主， 一對新人晏晝嘅時候先喺佈滿花瓣嘅花路上行禮， 到晚上嘅時候， Gloria就換上一襲粉紅色晚裝， 十分明豔照人。 佢仲同老公喺煙花下甜蜜擁吻， 唔少賓客都攞手機影低溫馨一幕， 真係So Sweet！
鄭丹瑞留言話：「第26期藝訓班嫁女， 恭喜Gloria！即便遠在布吉擺酒， 也要第一時間飛去恭賀。 在回程的飛機上， 忽然想起：我總共教了四屆， 有接近100個學生， 他／她們都會結婚， 成家立室， 單單在送禮金這件小事上， 憑我那份微薄的藝訓班校長薪水， 豈不是嘔凸？！沒有向電視臺申請加人工， 真失策！」
聽老公唱歌眼濕濕
榮升人妻嘅Gloria接受東網訪問時表示婚禮喺20號舉行，並邀請了親友以及部分圈中好友出席：「出席嘅圈中人有鄭丹瑞及同期訓練班嘅同學，包括李旻芳、譚永浩等，大約有90人。（點解喺泰國搞？）因為我好鐘意泰國，所以揀咗喺呢度舉行婚禮，當日嘅程式都係接新娘、行禮同食晚飯。」
問到婚禮上最感動嘅一刻？Gloria透露：「最感動係接新娘時老公唱咗《喜歡你》，我聽到眼濕濕。因為佢平時唔係好鐘意唱歌，所以我想佢今次唱歌，仲同一班姊妹度好遊戲，叫佢估一首關於Beyond嘅歌，結果佢一估就估到係《喜歡你》仲唱埋出嚟！另外一個感動位係行禮嗰一刻，環境佈置得好靚好浪漫，我一見到佢同家人就感覺好澎湃，但冇真係喊，只係眼淚好想湧出嚟。鄭丹瑞同我伴娘嘅臺上講辭都好感人，我都有喺臺上特別多謝媽咪，話我好鐘意飲佢煲嘅湯，媽咪開心到笑曬。」佢又指暫時未計畫度蜜月，婚後將會繼續工作，唔會退出幕前，而造人方面則順其自然。
真失策！」聽老公唱歌眼濕濕
榮升人妻嘅Gloria接受東網訪問時表示婚禮喺20號舉行，並邀請了親友以及部分圈中好友出席：「出席嘅圈中人有鄭丹瑞及同期訓練班嘅同學，包括李旻芳、譚永浩等，大約有90人。（點解喺泰國搞？）因為我好鐘意泰國，所以揀咗喺呢度舉行婚禮，當日嘅程式都係接新娘、行禮同食晚飯。」
問到婚禮上最感動嘅一刻？Gloria透露：「最感動係接新娘時老公唱咗《喜歡你》，我聽到眼濕濕。因為佢平時唔係好鐘意唱歌，所以我想佢今次唱歌，仲同一班姊妹度好遊戲，叫佢估一首關於Beyond嘅歌，結果佢一估就估到係《喜歡你》仲唱埋出嚟！另外一個感動位係行禮嗰一刻，環境佈置得好靚好浪漫，我一見到佢同家人就感覺好澎湃，但冇真係喊，只係眼淚好想湧出嚟。鄭丹瑞同我伴娘嘅臺上講辭都好感人，我都有喺臺上特別多謝媽咪，話我好鐘意飲佢煲嘅湯，媽咪開心到笑曬。」佢又指暫時未計畫度蜜月，婚後將會繼續工作，唔會退出幕前，而造人方面則順其自然。