派心心冧港迷
韓國二人組合臉紅的思春期(BOL4)今日喺九展開騷， 兩位成員智煐和智潤噚日已率先現身新蒲崗舉行記者會， 為演唱會造勢。
臉紅的思春期今晚于7時45分開騷， 兩人繼續騷腿示人， 當中智潤就坐喺度彈結他， 而穿上粉紅色衫慨智煐就獻唱第一首歌《Blue》。 完成第一首歌演出， 渠哋就入鄉隨俗以廣東話打招呼：「你好」， 兼介紹自己。
智煐喺臺上就重提上次因病而取消演唱會一事， 又話：「今次見到大家好開心。 」同時又話上次來港出席《MAMA音樂頒獎禮》， 因為早咗一日來， 所以就有機會食炒辣蟹及飲珍珠奶茶，
粉絲喺台下用韓文大叫：「我愛你」， 臺上慨臉紅的思春期即以廣東話：「我愛你」回禮， 又大派心心。 而二人仲喺臺上以廣東話講出自己慨名「臉紅的思春期」， 不過發音就唔多正， 但粉絲都好受落。 之後臉紅的思春期就再唱出《爭吵的日子》及《Ring》， 觀眾仲跟住拍手， 渠哋大贊香港觀眾好enjoy及有興致。