熊黛林（Lynn）與老公郭可頌的愛情結晶品， 日前在港怡醫院出生， 兩位喜獲一對孖女！新手媽媽Lynn表示第一眼見到兩個囡囡時， 又感動又開心， 「BB女5磅左右， 眼仔好大好靚女， 老公開心到不得了。 」
出名錫老婆的郭可頌， 在Lynn入產房前非常緊張， 見到老婆同囡囡平安時終於松一口氣。 但由於初生BB太嬌小， 令新手郭爸爸不敢亂抱兩位前世情人， 最終要靠Lynn出手， 「我叫老公坐定定擺住抱B姿勢， 然後叫我媽咪抱囡囡放在老公懷抱， 老公後來抱到不捨得放手。 」
郭爸爸有Lynn這個大情人， 又新添兩位小情人， 自然幸福滿瀉， Lynn更說看到大只老公抱住嬌小B女的畫面， 反差很大非常搞笑。 而剛剛生完BB的Lynn精神相當不錯， 且安心的謂：「媽咪都有飛過來香港陪我待產， 我已慢慢開始學習湊小朋友， 並喂人奶；因為是對BB最好的嘛， 最緊要她們健康。 」至於BB現時仍未改名， Lynn和老公會細心為囡囡挑選最適合的名字。