咁系粵語中最常用嘅比喻詞， 而“X咁X”嘅粵語俗語就真系唔少， 唔知下邊嘅俗語， 齋睇圖你又可以估到幾多？
牙痛咁聲
牙痛系人類最難忍受嘅病痛之一， 牙痛時候人會一直好辛苦。 呢個詞就形容人不願意做某事又不得不做時嘅神態， 其內心對某事埋怨、抱怨。
四萬咁口
形容一個人笑容滿面。 廣東人中意打麻雀， 而四萬個四字， 好似人笑到見牙唔見眼咁。
七國咁亂
形容局面或情況非常混亂， 由於戰國時期七國爭霸， 經常相互開戰， 戰況混亂。
苦瓜咁面
與“苦瓜幹咁面口”同一個意思， 比喻一個人非常唔開心。
苦瓜有幾苦大家都知啦， 食完苦瓜每個人個樣都唔好睇， 所以以苦瓜嘅苦形容一個人悲傷嘅神情及心情。
一字咁淺
比喻道理非常簡單， 問題非常淺顯， 因為“一”字最容易寫， 最容易認。
食七咁食
形容人大吃大喝， 食嘢又狼吞虎嚥。
來源於舊俗喪事， 人去世後每七日叫一個“七”， 親友拜祭時， 喪家要招呼飲食， 就會有人趁機嚟呃飲呃食。
雞咁腳
公雞受驚之後，會奔走得好快，用雞咁腳形容一個人見到或做咗某件事之後，馬上離開。
牛咁眼
形容一個人睩大對眼望住一樣嘢，眼都唔眨下。
話咁易
開口講句嘢非常簡單，形容一件事好似講嘢咁輕易就可以完成。
鬼火咁靚
形容一個人（通常指女性）非常美麗嬌豔，非常吸引異性，其實入邊嘅“鬼火”冇實質意義。
唔知你哋又諗到咩其他俗語呢？
素材出自粵語詞典、《香港粵語慣用語研究》
羊城網負責整理編輯
雞咁腳
公雞受驚之後，會奔走得好快，用雞咁腳形容一個人見到或做咗某件事之後，馬上離開。
牛咁眼
形容一個人睩大對眼望住一樣嘢，眼都唔眨下。
話咁易
開口講句嘢非常簡單，形容一件事好似講嘢咁輕易就可以完成。
鬼火咁靚
形容一個人（通常指女性）非常美麗嬌豔，非常吸引異性，其實入邊嘅“鬼火”冇實質意義。
唔知你哋又諗到咩其他俗語呢？
素材出自粵語詞典、《香港粵語慣用語研究》
羊城網負責整理編輯