黎耀祥、陳法拉和黃偉文在尖沙咀出席荷裡活動畫《壞蛋獎門人3》首映禮。
提到今日是父親節， 祥仔即指活動後會食餐飯然後北上工作：“不過個仔去咗日本旅行，
問囝囝是否與女友去日本， 他即謂：“同中學同學去。 （佢有冇拍拖？）有， 以前同學。 （冇喺美國識女仔？）邊有， 但將來唔敢講， 要睇佢本事。 （帶個外國女仔都OK？）OK， 光宗耀祖呀！如果黎家有個外籍新抱真系威曬！”
穿五吋高踭鞋騷出半截長腿的法拉指會在香港度過暑假， 而間唔中亦會回內地工作， 還一還廣告債， 又指之前與美國攝製隊到她的出生地四川成都進行拍攝工作：“有五、六年冇番過去， 變化好大！”更笑謂自己除了講普通話變得生疏， 就連廣東話都已經“生銹”。
問到法籍外交官男友有冇陪她去四川？法拉指雖然對方想去， 但未能在工作中抽身前往：“其實我一直返學， 都冇咩時間旅行， 仲有一年就畢業， 可以放嚇假。 （佢見過你屋企人未？）見過， 有時佢哋都去紐約睇我演出， 所以都會一齊睇， 我每學期有兩個話劇。 （讀完書就結婚？）讀得咁辛苦梗系拍戲啦， 依家都系瞭解當中， 相處嚇先啦！”更笑指男友見到她登上雜誌封面會自豪， 而她亦會為對方翻譯內容。