任賢齊《小齊》51歲生日收厚利是 捐鮮浪潮謝杜琪峯

香港新聞網6月23日電 據香港“星島日報”報導， 任賢齊(小齊)今日(23日)51歲快樂生辰， 昨晚老闆林建岳同杜琪峯(杜Sir)、古天樂等為他舉行生日飯局，

一齊唱生日歌、切蛋糕和食壽包， 非常開心。 小齊果然是好男人， 經理人送他大利是， 他全數捐給“鮮浪潮”以行動支持香港電影創作人才。 席上眾人見到成吋厚的利是都譁然， 小齊不肯誘露金額， 但強調全是港幣。 小齊生日願望身體健康， 連日來收到好朋友們的祝福和禮物， 他高呼：“我好幸福啊！”

“鮮浪潮”發起人兼主席杜Sir， 就送小齊一支限量版“杜琪峯酒”做生日禮物， 還在印有他肖像的酒盒上簽名留念。 小齊好開心， 說：“因為我好少飲酒， 而且呢支酒咁有紀念價值， 我會好好珍藏， 好快就成為全球唯一一支， 更加珍貴！”小齊表示非常敬佩杜sir， 說：“我一直都係演好男人、正派角色， 十幾年前杜Sir叫我喺《大事件》演大賊喎， 當時我話我唔識演，

但佢話：‘嚟到現場就演到㗎啦！’結果去到片場有杜Sir指導， 我真係演到， 大家都對我另眼相看。 幾年後杜Sir再搵我喺《樹大招風》演悍匪， 不但有機會提名影帝， 之後仲有好多好多劇本搵我演反派、大賊， 證明大家都認同我嘅演技， 好開心， 真係要多謝杜Sir獨具慧眼！”

聽到小齊把聲沙沙地， 原來早前他在加拿大舉行演唱會時太High， 與台下觀眾一齊又唱又叫， 太忘我而失聲。 他笑說：“我喺加拿大開騷期間好健康， 日日跑步做運動， 狀態好好， 點知開騷時台下觀眾非常熱情， 搞到我都High埋一份， 完騷就失聲囉！”對於老闆和好朋友們為他準備的生日飯局， 小齊表示好感動和開心， 他說：“好多謝大家送我禮物和祝福， 我好幸福啊！近因為收到好多劇本和剛從加拿大演出回港，

還未適應時差， 頭有點暈， 聲音有點沙啞， 我會好好保重， 祝自己和大家都身體健康！”