2017年年尾似乎是歌手開騷的好時機， 除了紅館期爭崩頭之外， 九展一樣有不少歌手開音樂會。 在Facebook上開足幾個月直播節目《Deep Nite Show》的吳浩康， 終於宣佈將在12月10日在九展舉行《Listen to Deep Live 2017》演唱會， 而門票則在今日（10月4日）正式公開發售。
阿Deep終於可以一圓開騷夢， 梗系笑得開心啦！佢仲話反應好有機會加場！
話雖如此， 其實在早前的優先訂票中已售出大部份門票， 剩餘的公開門票大家便要趁早入手了。 在昨日舉行的記招當中， Deep亦表示有機會加場， 不過也要視乎公開發售的情況而定。
阿Deep喺臺上曬舞姿， 的確系幾有台型！
記者會上， 吳浩康邀請了麥秋成到臺上， 原來阿成為Deep的演唱會排舞， 更表示今次演唱會將會有驚喜， 因為樂迷將會少有的看到Deep在舞臺上跳舞， 而Deep亦相當識做， 即席示範苦練多時的舞步， 的確有板有眼。 而Deep亦即席演唱了新歌《較早前錄影》， 他更表示很感激黃偉文為他寫的詞， 當中不多不少也把他的經歷和感覺寫了出來。 似乎今次的演唱會， Deep的確落足力練習， 將渾身解數也施展出來。
而記招上的重點， 是吳浩康的經理人Mani霍汶希也有上臺支持。 Mani在臺上表示：
由阿Deep新秀入行簽佢返嚟， 到而家經歷咗十幾年， 其實真系要用高低起跌去形容。 喺我做經理人嘅生涯當中， 阿Deep系令我好深刻。
Mani續道：
其實每個人都會有做錯過， 不過我深信， 無人能夠放逐你， 只系你自己放逐自己。 因為只要你料到， 你自己努力， 你行出嘅一條路冇人會阻到你。 我哋英皇上上下下都會支援你，
說罷， 已看見阿Deep眼泛淚光， 激動得說不出話。
經理人Mani一直講， 看到阿Deep雙眼慢慢變紅， 似乎他們真是經歷了不少高山低谷。
而Mani亦重提跟吳浩康多年前的經歷：
其實我一直都覺得吳浩康系得嘅， 佢系失去咗一個黃金機會， 不過佢年輕， 仲有佢嘅本錢。
我就叫佢由嗰一分鐘開始， 要努力做好呢份工， 做好呢個人， 做好自己呢一生。 嗰一刻我覺得自己都好似佢半個阿媽咁， 今日佢企喺呢個臺上， 我深信佢媽媽都睇到， 所以將來嘅路點行， 阿Deep你要自己諗啦。
接受訪問時，阿Deep表示：
其實點解頭先會眼濕濕呢，因為就好似Mani咁講，真系經歷過好多事情，而最難得系有人十五年以嚟都咁支持你，嗰下我覺得好感動。
提及未來的路向，他表示：
《Deep Nite Show》嚟緊會喺演唱會前幾個星期休息一下先，因為要準備演唱會嘅排練，不過我會一路做落去嘅，因為我嘅樂迷一路冇離棄過我，所以我唔可以離棄佢哋。
Mani和阿Deep真是情同姊弟。
對於今年年尾的樂壇頒獎禮，他亦笑說：
嘩！你真系提一提醒我，其實最近我每個星期淨系諗點樣做好《Deep Nite Show》，點樣做好嚟緊嘅新歌，點樣準備好演唱會。我真系唔記得咗年尾嘅頒獎禮，因為我都好多年冇參加啦，咁當然有獎攞嘅話就一定開心嘅，不過經歷咗咁多晚《Deep Nite Show》，我覺得有樂迷去聽我唱歌，系緊要過攞獎。
阿Deep話會繼續落力做《Deep Nite Show》答謝歌迷！
接受訪問時，阿Deep表示：
其實點解頭先會眼濕濕呢，因為就好似Mani咁講，真系經歷過好多事情，而最難得系有人十五年以嚟都咁支持你，嗰下我覺得好感動。
提及未來的路向，他表示：
《Deep Nite Show》嚟緊會喺演唱會前幾個星期休息一下先，因為要準備演唱會嘅排練，不過我會一路做落去嘅，因為我嘅樂迷一路冇離棄過我，所以我唔可以離棄佢哋。
Mani和阿Deep真是情同姊弟。
對於今年年尾的樂壇頒獎禮，他亦笑說：
嘩！你真系提一提醒我，其實最近我每個星期淨系諗點樣做好《Deep Nite Show》，點樣做好嚟緊嘅新歌，點樣準備好演唱會。我真系唔記得咗年尾嘅頒獎禮，因為我都好多年冇參加啦，咁當然有獎攞嘅話就一定開心嘅，不過經歷咗咁多晚《Deep Nite Show》，我覺得有樂迷去聽我唱歌，系緊要過攞獎。
阿Deep話會繼續落力做《Deep Nite Show》答謝歌迷！